शिक्षासेवी घिमिरेद्धारा वुवाको नाममा १ लाखको अक्षयकोषको स्थापना

छाल खवर
धरान,१४ः शिक्षासेवी युवा व्यवसायी सुरेन्द्र घिमिरेले आफ्ना वुवा स्वर्गीय कुलपति घिमिरेको नाममा १ लाखको अक्षयकोष स्थापना गरेकाछन् ।

घिमिरेले आफ्नो जन्मदिनको अवसरमा धरान–८ सहिद स्मृति माविमा उनले अक्षयकोष स्थापना गरेका हुन ।

घिमिरेले कक्षा ११–१२ मा सञ्चालित प्राविधिक विषयका विद्यार्थीलाई छात्रवृत्ति प्रदान गर्न धरान–१४ का सुरेन्द्र घिमिरेले १ लाख रुपैयाँको अक्षयकोष स्थापना गरेका छन् ।

अक्षयकोषबाट प्राप्त व्याजले कक्षा ११ र १२ मा प्राविधिक विषयका विद्यार्थीलाई स्कुलले छात्रवृत्ति सहित शैक्षिक सामाग्री प्रदान गरिने घिमिरेले वताए ।

इलाम जन्मथलो भएका घिमिरेले कर्मथलो धरान बनाएर शैक्षिक क्षेत्रमा सकृय रहेकाछन् ।

पैसाको अभावले जेहेन्दार विद्यार्थीहरू पढ्नबाट वञ्चित हुन नपोस भन्ने उद्देश्यले सामुदायिक स्कुल धरानमा अक्षयकोष स्थापना गरेको घिमिरेको भनाई रहेको छ ।

इलामको सरकारी स्कुलमै पढेका घिमिरेले धरानमा शैक्षिक क्षेत्रमा सकृय रहेकाछन् । प्रधानाध्यापक रामबहादुर बिस्टलाई अक्षयकोषको रकम घिमिरेले हस्तान्तरण गरेका छन् ।