धरानमा माओवादी केन्द्रको सर्वसम्मत नेतृत्व चयन

छाल खवर
धरान,१ पुषः नेकपा (माओवादी केन्द्र) धरान उपमहानगर समितिले सर्वसम्मत नगरको नेतृत्व चयन गर्न सफल वनेको छ ।

कार्यसमिति सर्वसम्मत चयन गर्न सफल वनेको माओवादी केन्द्रले सोमवार पदाधिकारी पनि सर्वसम्मत चयन गर्न सफल वनेको हो ।

सोमवार भएको पदाधिकारी चयनबाट उद्धव लिम्बुलाई अध्यक्ष पदमा चयन गर्दै माओवादीले नेतृत्व चयन गरेको केन्द्रले जनाएको छ ।

केन्द्रको तेस्रो अधिवेशनले लिम्वुलाई अध्यक्षमा सर्वसम्मत निवार्चित गरेको थियो ।

नव निर्वाचित अध्यक्ष लिम्वुले अधिवेशनमा सहभागी भएका प्रतिनिधिहरुले शुरुमा ६८ सदस्यीय सदस्यहरु चयन गरेको र सोही समितिको पहिलो बैठक बसेर थप ७ जना सदस्य मनोनित गरेर ७५ सदस्यीय बनाएको जानकारी दिए ।

कार्यसमितिमा रहेका ७५ जनाले अध्यक्षसहितका पदाधिकारीहरु सर्वसम्मत चयन गरेको नव निर्वाचित अध्यक्ष लिम्वुले जानकारी दिए ।

लिम्वूले दिएको जानकारी अनुसार केन्द्रको उपाध्यक्षमा सिपी बजगाई, सुवास खवास र महिला उपाध्यक्षमा शेषकुमारी घिमिरे चयन भएका छन् ।

यस्तै, सचिवमा भुपाल चाम्लिङ (भुपेन्द्र), सहसचिवमा सुमन गहतराज र कोषाध्यक्षमा मिङ्मा भोटे सर्वसम्मत चयन भएका छन् ।