सहिद स्कुलका विद्यार्थीहरुलाई स्वेटर वितरण

छाल खवर
धरान,२८ पुषः सहिद स्मृति माध्यामिक विद्यालय धरान–८का विद्यार्थीहरुलाई आइतवार निःशुल्क स्वेटर वितरण गरीएको छ ।
धरान राउण्ड टेवलले स्कुलका विद्यार्थीहरुलाई निःशुल्क स्विटर वितरण गरेको  हो ।

राउण्ड टेवलले कक्षा नर्सरी देखि कक्षा ५ सम्मका गरीव तथा विपन्न परिवारका १ सय २५ जना विद्यार्थीहरुलाई निःशुल्क स्वेटर वितरण गरीएको राउण्ड टेवल धरानका अध्यक्ष निमेश अग्रवालले जानकारी दिए ।

विद्यार्थीहरुको जाडोको समस्यालाई मध्यनजर गरी संस्थाले स्वेटर वितरण गरेको अग्रवालको भनाई रहेको थियो ।

राउण्ड टेवल धरानले विभिन्न सामुदायिक विद्यालयमा सहयोग गर्दै आएको छ । आगामी दिनमा पनि आवस्यकता र ठाउ हेरेर सहयोग गर्दै जाने अग्रवालले वताए ।

विद्यालयका प्रधानाध्यापक रामबहादुर विष्टले विद्यालयलाई सहयोग गरेकोमा खुशी व्यक्त गर्दै धन्यवाद ज्ञापन गरेका थिए ।

स्कुलको भौतिक पूर्वाधार लगायत अन्य कुराहरुमा सहयोग गर्न राउण्ड टेवल लगायत विभिन्न दाताहरुलाई प्रधानाध्यापक विष्टले आव्हान गरेका थिए ।

सो कार्यक्रम विद्यालय व्यवस्थापन समिति सदस्य भोला श्रेष्ठको अध्यक्षतामा भएको थियो ।कार्यक्रमको संचालन विद्यालयका शिक्षक राजन वनले संचालन गरेका थिए ।