सुमेधा बतृत्वकला प्रतियोगितामा योन्जन प्रथम

छाल खवर
धरान,२ फागुनः –याडिकल लाईट नेपाल प्रालि धरानले आयोजना गरेको सुमेधा वक्तृत्वकला प्रतियोगिताको उपाधि धरान–मेघा हिमालयनकी क्याथरिन योन्जनले हात पारेकी छिन् ।

शुक्रवार भएको फाइनलमा क्याथरिनले अन्य प्रतिष्पर्धीलाई पछि पार्दै उपाधि हात पारेकी हुन् ।

उनले नगद १५ हजार सहित ट्रफी र प्रमाण–पत्र प्राप्त गरिन।

धरान–८ स्थित सहिद स्मृति मा.वि.को सभाहलमा सम्पन्न फाइनलमा शिक्षा सन्देस सेकेन्डरी बोर्डिङ स्कुलकी देवका कार्की दोश्रो वनेकीछिन ।उनले नगद ८ हजार सहित ट्रफी र प्रमाण–पत्र प्राप्त गरिन।

एम्स एकेडेमीकी अदिति झा तृतीय भएकी थिइन उनले ४ हजार नगद सहित ट्रफी र प्रमाण–पत्र प्राप्त गरिन।

यता पब्लिक मा.वि.फुस्रेका बालकुमार राई सान्त्वना भएर २ हजार नगद सहित ट्रफी र प्रमाण–पत्र प्राप्त गरे।

प्रतियोगिताको उप–शीषकमा समेत पुरस्कार प्रदान गरिएको थियो।शिक्षा निकेतन मा.वि.की पुजा लम्साल र लाक्पा तामाङले क्रमश डिसिप्लिन र अराटोरिकल स्पिकरको उपाधि प्राप्त गरे।

पब्लिक हाई स्कुलका आयुष कटवाल र चन्द्रकला राईले क्रमशःइन्फर्मेटिभ र पङ्चुअल स्पिकरको उपाधी जिते। सियोन स्कुलकी सोनिया नेपालीले सिन्सियर स्पिकरको उपाधि जितिन भने धरान मा.वि.की स्मृति लिम्बुले मोटिभेस्नल स्पिकरको उपाधी हात पारिन।

उपबिजेताहरुले जनही १÷१ नगद सहित प्रमाण–पत्र प्राप्त गरे।

बिजेता र उप–बिजेताहरुलाई कार्यक्रमका प्रमुख अतिथि धरान उपमहानगरपालिकाका उप–प्रमुख अइन्द्र बिक्रम बेघा, मन्टेसोरी किन्डर गार्टेनका संचालक गौरबमान श्रेष्ठ र सहिद स्मृति मा.वि.का प्रधानाध्यापक राम बहादुर बिष्टले नगद पुरस्कार, मेडल र प्रमाण–पत्र प्रदान गरे।

सहभागिहरुलाई लागु औषध चुनौति र समाधानका उपाय, छोराचोरीको भबिष्य निर्माणमा आमा(बुवाको भुमिका, सामाजिक सद्भाव र युवाको दायित्व, स्वदेसमै भबिष्य स्वदेसमै रोजगार र युवाको चाहनास् बिकसित नेपालको परिकल्पना गरी ५ वटा शिर्षकहरु दिइएको थियो।

उत्कृष्ट १० प्रतिष्पर्धीहरुलाई गोला प्रथाद्वारा ५ वटा शिर्षकहरुमध्ये दुई जना प्रतिष्पर्धीलाई एउटै शिर्षक परेको थियो।

बिद्यार्थीहरुको आत्माबिश्वासमा अभिबृद्धि गरी ब्यक्तित्व र नेतृत्व बिकास गर्ने उद्येश्यले प्रतियोगिताको आयोजना गरिएको प्रा।लि।का अध्यक्ष तिर्थ कार्कीले बताए।

प्रतियोगिताको निर्णायकहरुमा महेन्द्र बहुमुखी क्याम्पसका उप प्राध्यापक राजेश बिद्रोही र सहिद स्मृति मा.वि.का शिक्षक टंक भट्टराई थिए।

कार्यक्रममा सुमेधा एजुकेसन नेटवर्क प्रा.लि.धरानका सिइओ.सुरेन्द्र घिमिरे,समाजसेवी सुस्मिता लिम्बु लगायतको उपस्थिति थियो।सोनि यादबले स्वागत मन्तव्य राखेको कार्यक्रमको सन्चालन आहाना प्रधानले गरिन।