छाल खवर
धरान,४ फागुनः धरान–१६ स्थित धरान लिगामेन्ट रेसिडेन्सियल स्कुलको वार्षिक उत्सवको उद्घाटन कोशी प्रदशेका र्भौतिक पूर्वाधार विकास मन्त्री भूपेन्द्र राईले गर्ने भएकाछन् ।
स्कुलले आइतवार पत्रकार सम्मेलन गरी वार्षिक उत्सवका अवसरमा आयोजना हुने कार्यक्रमका वारेमा जानकारी दिदै राईले उद्घाटन गर्ने जानकारी दिएको हो ।
स्कुलका प्रिन्सिपल तेजमान लिम्वुले ११ औं वार्षिक उत्सव तथा अभिभावक दिवसको उद्घाटन मंगलवार भौतिक पूर्वाधार विकास मन्त्री भूपेन्द्र राईले गर्ने जानकारी दिएकाछन् ।
प्रिन्सिपल लिम्वुले दिएको जानकारी अनुसार सो अवसरमा बाल विवाह सम्वन्धि सचेतना मुलक नाटक,जातीय तथा राष्ट्रिय पहिरन प्रदर्शनी, विद्यार्थीलाई चेतना दिने खालको लोकदोहोरी,कथा कविता समेत कार्यक्रममा समावेश गरीने छ ।
कार्यक्रममा कक्षा प्ले ग्रुप देखि कक्षा १० सम्मको विद्यार्थीहरुको विविध सास्कृतिक कार्यक्रम,गीत कथा लगायतका चेतना मूलक कार्यक्रमहरु समेत प्रस्तुत हुने प्रिन्सिपल लिम्वुले जानकारी दिएकाछन् ।
यस कार्यक्रममा शिक्षक,शिक्षिका साथै अभिभावकको समेत वजेत डान्स प्रस्तुती रहने समेत प्रिन्सिपल लिम्वुले थप जानकारी दिएकाछन् ।
Copyright © 2020 / 2026 - Chhalkhabar.com All rights reserved
Website By : Hash Tech Logic
