हिबिस्कस इङ्लिस बोर्डिङ स्कूल गुणस्तरीय र व्यवहारिक शिक्षाका लागि पुस्तक रहित कक्षा हिविस्कसको यस वर्षको नयाँ कार्यक्रम

चिनारी ः
२०६३ सालमा स्थापना भएको हिबिस्कस इङ्लिस बोर्डिङ स्कूलले विद्यार्थीलाई समयानुकुल प्राविधिक, व्यवहारिक र प्रयोगात्मक तथा बालमैत्री शिक्षा दिंदै आएको छ ।

धरानको शिक्षा क्षेत्रमा छोटो समयमै अलग्गै छाप छोड्न सफल हिबिस्कसले विद्यार्थीलाई पाठ्यपुस्तकसँगै अतिरिक्त क्रियाकलाप मार्फत व्यक्तित्व विकासमा जोड दिंदै जीवनोपयोगी शिक्षा प्रदान गरिरहेको छ । अनुभवी शिक्षक मार्फत व्यवहारिक शिक्षा दिएर विद्यार्थीलाई उसको रुचीको क्षेत्रमा मार्ग दर्शन गरेर भविष्यका लागि सक्षम तथा दक्ष जनशक्ती तयार पार्नु हिबिस्कसको उद्देश्य हो ।

हिबिस्कसले स्थानीय शिक्षक मात्र नभई विदेशी शिक्षकहरुबाट समेत अनुभव आदान–प्रदान गरेर विद्यार्थीलाई सहज रुपमा बुझाउने शिक्षण विधि प्रयोग गर्दै आएको छ । विद्यार्थीलाई कक्षाकोठामा मात्र सीमित नराखी विषयवस्तु अनुसार विभिन्न क्षेत्र, स्थान र भूगोलको अवलोकन गराई बाह्य ज्ञानसमेत दिनु हिबिस्कस स्कूलको अर्को विशेषता हो । विद्यार्थीलाई ऐतिहासिक र पुरातात्विक स्थल, बालगृह, वृद्धाश्रम, सरकारी कार्यालय लगायतको अवलोकन गराउने, गरिब दुःखी, असहायलाई सहयोग र राहत उद्धार जस्ता कार्यमा सहभागी गराएर समाजप्रतिको दायित्व बुझाउने जस्ता कार्यका कारण विद्यार्थी र अभिभावक हिबिस्कस प्रति आकर्षित हुँदै आएका छन् ।

अतिरिक्त क्रियाकलाप

विद्यार्थीमा अन्तरनिहित प्रतिभा प्रस्फुटन गराउने तथा उनीहरुको व्यक्तित्व र नेतृत्व क्षमता विकास गर्ने उद्देश्य स्कुलले वार्षिक क्यालेन्डरमा समावेश गरेर विभिन्न अतिरिक्त क्रियाकलाप सञ्चालन गर्दै आएको छ । ति निम्न प्रकार छन् ः

क) हिबिस्कस क्विज मेनिया ः

विद्यार्थीहरुको बौद्धिक क्षमता विकास तथा प्रस्फुटन गर्ने उद्देश्यले हिबिस्कसले आफ्ना विद्यार्थी मात्र नभई सुनसरी जिल्लाभरिका सामुदायिक तथा संस्थागत विद्यालयलाई सहभागी गराएर क्विज मेनिया गराउँदै आएको छ ।

ख) हिबिस्कस सिङ्गीङ आईडल ः

विद्यार्थीको गायन कला पहिचान र प्रोत्साहन गर्नका लागि स्कुलका विद्यार्थी बीच गायन प्रतिष्पर्धाका रुपमा यो कार्यक्रम आयोजना गर्दै आएको छ । यसबाट गायनमा रुची भएका बालबालिकालाई सोहि क्षेत्रमा अघि बढ्न हौसला प्रदान गरिन्छ ।

ग) हिबिस्कस डान्सिङ आईडल ः

नृत्य क्षेत्रमा रुची र क्षमता भएका विद्यार्थीको प्रतिभा प्रदर्शन गर्ने मञ्चका रुपमा आयोजना गरिने यस कार्यक्रममा धरान उपमहानगरपालिका भित्रका विद्यार्थीहरु सहभागी गराईन्छ ।

घ) देउसी भैलो प्रतियोगिता ः

पछिल्लो समय हराउदै गएको मौलिक संस्कृति देउसी–भैलो बारे विद्यार्थीलाई बुझाउने उद्देश्यले हरेक वर्ष देउसी–भैलो प्रतियोगिता समेत आयोजना गर्दै आएको छ ।

ङ) हिबिस्कस बाल क्लब

स्कूलमा विद्यार्थीहरुले बाल क्लब सञ्चालन गर्दछन् । यस क्लब मार्फत उनीहरुले बालअधिकार लगायत बालबालिकासँग सम्बन्धित विभिन्न विषयमा कार्यक्रम सञ्चालन गर्ने गरेका छन् । जसबाट उनीहरुको व्यक्तित्व विकासमा सहयोग पुग्छ ।

त्यस्तै हिबिस्कसमा ह्यान्ड राईटिङ, वादविवाद प्रतियोगिता, बजारमा सामग्री खरिदसम्बन्धि ज्ञान, विभिन्न कला तथा विज्ञान प्रदर्शनी जस्ता कार्यक्रम आयोजना हुँदै आएका छन् ।

खेलकुदमा हिबिस्कस ः

हिबिस्कसमा खेलकुदलाई पनि उच्च प्राथमिकता दिएर तेक्वान्दो, फुटबल, टेबलटेनिस, फुटसल जस्ता खेल प्रशिक्षण र प्रतियोगीता सञ्चालन गरिंदै आएको छ ।

छात्रवृत्तिको व्यवस्था ः

यस स्कुलले कक्षामा प्रथम, द्वितीय तृतीय हुने विद्यार्थीलाई विशेष छुट दिंदै आएको छ । साथै विभिन्न अतिरिक्त विधाहरुमा जस्तै ः खेलकुद, गायन, नृत्य आदिमा उत्कृष्ट हुने विद्यार्थीलाई छात्रवृत्ति स्वरुप विशेष छुटको व्यवस्था हुँदै आएको छ ।

हिबिस्कस नै किन रोज्ने ?

–गुणस्तरीय शिक्षा र प्रयोगात्मक सिकाई
–अनुभवी शिक्षक र कुशल व्यवस्थापन
–आधुनिक सुविधा सम्पन्न विज्ञान र कम्प्यूटर प्रयोगशाला
–अनुकुल वातावरण
–सफलताको इतिहास
–समय सापेक्षा शिक्षा
–विद्यार्थीलाई बीमा सुविधा
–कमजोर विद्यार्थीहरुलाई निः शुल्क अतिरिक्त कक्षा

– STEAM Education Class, Learning with doing, Project based Learning जस्ता सिद्धान्तमा आधारित शिक्षा ।

–आधुनिक विधिको प्रयोग ः ICT को माध्यमबाट विद्यार्थीलाई पठन पाठन गराईने ।

–स्वीडेनका अवकास प्राप्त शिक्षक जोन डेनिस ज्याकले वर्षेनी करिब १५ दिन आप्ना अनुभव सुनाउँदै शिक्षण कला आदान–प्रदान गर्ने ।

+2 मा कानुन, विज्ञान र व्यवस्थापन

वर्तमान समयमा कानुनी ज्ञान सबैका लागि अपरिहार्य बन्दै गएको अवस्थामा हिबिस्कसले २०७९ सालदेखि धरानमै पहिलोपटक कक्षा–११ र १२ मा कानून विषय अध्यापन गराउँदै आएको छ ।

त्यस्तै विज्ञान संकायमा पनि पठन पाठन हुँदै आएको छ भने २०८२ सालदेखि कक्षा ११ र १२मा कम्प्युटर म्यानेज्मेन्ट र म्यानेज्मेन्ट समेत सञ्चालन हुने छ ।

+2 मा कानुन नै किन ?

समय सापेक्ष शिक्षा वर्तमान आवश्यकता बन्दै गएको बेला हिबिस्कसले पनि प्राविधिक धार तर्फ फड्को मारेको छ । छोटो समयको शिक्षा पछि सजिलै रोजगारी पाउन सकिने र स्वरोजगारितामा समेत जोड दिँदै कक्षा ११ र १२ मा कानुन विषयलाई प्राथमिकता दिइएको छ ।

फाईदाहरु

–कानुनी व्यवस्था बारे प्रारम्भिक ज्ञान
–आलोचनात्मक सोंचको विकास
–संवाद क्षमताको विकास
–कानुनी करियरका लागि तयारी
–अधिकार र कर्तव्य बारे जागरुकता
–नैतिक सोंचको विकास
–विविध पेशामा उपयोगी

अवसरहरु ः
–वकालत
–न्यायिक सेवा
–सरकारी कानुनी सेवा
–कर्पोरेट क्षेत्र
–मानव अधिकार तथा सामाजिक न्याय क्षेत्र
–गैर सरकारी संस्थामा काम गर्न सकिने
–कुटनीतिक तथा विभिन्न अन्तर्राष्ट्रिय क्षेत्रका अवसर
–शिक्षा तथा अनुसन्धान