फोकस १६ क्लवद्धारा राष्ट्रिय फुटवल खेलाडी लकेन लिम्वु सम्मानीत फुटवलमा आफ्नो भविष्य खोज्दै लकेन

छाल खवर
धरान,१३ वैशाखः फोकस १६ क्लवद्धारा धरानका राष्ट्रिय खेलाडी लकेन लिक्वुलाई सम्मान गरेको छ ।

क्लवले धरान–१६ ज्ञान विज्ञान चोक स्थित सावाली किचनमा एक कार्यक्रमको आयोजना गरी लिम्वुलाई सम्मान गरेको हो ।

युवा खेलाडीलाई प्रोत्साहन गर्नको लागि सम्मान कार्यक्रमको आयोजना गरीएको क्लवका अध्यक्ष दिलिप भुजेलले वताउनुभयो ।

उहाँले भन्नुभयो–भाई हाम्रो वडाको पनि भएको र खेल क्षेत्रमा छोटो समयमा धेरै ठूलो उपलव्धि हासिल गर्न सफल भएकोले हामीले थप प्रोत्साहन गर्नको लागी सम्मान गरेका हौ ।

सिंगापुरबाट फुटवल क्षेत्रमा प्रवेश गरेका लिम्वुले नेपाल आएपछि धरानबाट पुर्न आफ्नो फुटवलको यात्रालाई निरन्तरता दिएका थिए ।

धरानमा उनले वडास्तरीय प्रतियोगिता देखि विभिन्न मोफसलका गोल्डकप, ए डिभिजन क्लवहरु हुदै भारतको दिल्ली फुटवलबाट समेत आफ्नो खेल कौशलता प्रर्दशन गरीसकेकाछन् ।

लिम्वुले शनिवार सम्पन्न नेपाल सुपर लिगमा झापा फुटवल क्लवकातर्फबाट कप्तानको भूमिका निर्वाह गरेका थिए । हाल उनी राष्ट्रिय टिमका मिड फिल्डरको भूमिकामा खेल्दै नेपाली फुटवललाई अन्तर्राष्ट्रिय स्तरमा पहिचान गराउनका लागि उनी उत्कृष्ट कौशलता प्रर्दशन गर्ने तयारीमा रहेकाछन् ।

केही समयपछि हङकङसंग हुने खेलमा नेपालबाट प्रतिष्पर्धा गर्नको लागि तयारी गरीरहेको लिम्वुले वताएकाछन् ।

लकेनका वुवा श्याम लिम्वु सिंगापुर प्रहरीका सेवा निवृत्त प्रहरी निरीक्षक हुन । वुवा कार्यरत हुँदा उनी पनि सिंगापुरमा नै रहेका थिए ।

लकेनका वुवा श्याम लिम्वुले छोराको फुटवल क्षेत्रबाट आफ्नो भविष्य वनाउने सपनालाई साकार पार्न आफूले जस्तो सुकै मूल्य चुकाउनु परेपनि पछि नपर्ने वताउनुभयो ।