धरानमा प्रदेश स्तरीय खुल्ला बास्केटबल प्रतियोगिता

छाल खवर
धरान,२७ जेठः सुनसरी बास्केट बल संघले पहिलो पटक धरानमा प्रदेश स्तरीय खुल्ला बास्केट बल प्रतियोगिताको आयोजना गर्ने भएको छ ।

आयोजक संघले मंगलवार पत्रकार सम्मेलनको आयोजना गरी सो विषयमा जानकारी गराएको हो ।

बास्केटबल खेलको विकास र युवा प्रतिभा उजागर गर्न धरान बास्केटबल संघले कोशी प्रदेश स्तरीय ओपन बास्केटबल प्रतियोगिता २०८२ को आयोजना गर्न लागेको छ।

आयोजकले दिएको जानकारी अनुसार असार ५ देखि ८ गतेसम्म धरान स्थित डिपो आदर्श बहुमुखी क्याम्पसको कोर्टमा सञ्चालन हुने सुनसरी बास्केटवल संघका अध्यक्ष नारायण सुवेदीले बताएका छन् ।

कोशी प्रदेशका सुनसरी, झापा, मोरङ, धनकुटा, इलाम, ओखलढुङ्गा, उदयपुर र भोजपुर गरी ८ जिल्लाका १० टिम सहभागी हुने भएका छन् ।

प्रतियोगितामा करिव २० लाख खर्च लाग्ने अनुमान रहेको संघका अध्यक्ष नाराण सुवेदीले जानकारी दिनुभएको छ ।

विजेतालाई नगद २ लाख, उपविजेतालाई नगद १ लाख र सर्वोत्कृष्ट खेलाडीलाई नगद १० हजार पुरस्कार सहित ट्रफी र मेडल प्रदान गरिने संयोजक विकास चाम्लिङ राईले जानकारी दिए ।

धरानबाट यस अघि सगरमाथा राष्ट्रिय लिग, दक्षिण एशियाली खेलकुदमा धरानका खेलाडीले पदक जिताएका छन् भने हाल राष्ट्रिय स्तरका रेफ्री र खेलाडी पनि यहींबाट उत्पादन भएको दावी संघका अध्यक्ष सुवेदीको रहेको छ ।