रास्वपा धरान नगर अध्यक्षमा सुमन

छाल खवर
धरान,२८, असारः राष्ट्रिय स्वतन्त्र पार्टी (रास्वपा) धरान उपमहानगरपालिका समितिको पहिलो अधिवेशनले सुमन श्रेष्ठलाई अध्यक्षमा चयन गरेको छ ।

समितिको उपाध्यक्षमा राम कार्की , सचिवमा ख्यामप्रसाद फुयाल र सहसचिवमा सन्दीप शाक्य चयन भएका छन्।

त्यस्तै, समितिका सदस्यहरूमा अतुल श्रेष्ठ, तोर्णबहादुर कार्की, बनप्रसाद गुरुङ, थाङ्गा बहादुर राई, मिरा लोहार, सुनिता श्रेष्ठ, इन्द्र बहादुर कार्की, जीवन आचार्य, मनकुमारी विश्वकर्मा र मेघराज पोखरेल रहेका छन् ।

शनिबार सम्पन्न अधिवेशनमा पार्टीका केन्द्रीय सदस्य तथा सुनसरीबाट प्रतिनिधिसभा सदस्य अशोक कुमार चौधरीको प्रमुख आतिथ्यता रहेको थियो।

कार्यक्रममा बोल्दै सांसद अशोक कुमार चौधरीले धरानको विकास, सुशासन र जनउत्तरदायी राजनीति स्थापनाका लागि राष्ट्रिय स्वतन्त्र पार्टीले नयाँ ऊर्जा ल्याउने विश्वास व्यक्त गरे। उनले संगठन विस्तार र जनसम्पर्क मजबुत बनाउन आग्रह गरेका थिए ।

पार्टीले धरान उपमहानगरपालिकामा संगठन सुदृढीकरणसँगै आगामी स्थानीय निर्वाचनलाई लक्षित गरी कार्ययोजना तयार गर्ने बताएको छ।