कोरा राईड साइक्लिङ च्यालेन्ज धरानमा

छाल खवर
धरान,२८साउनः कोरा राईड साइक्लिङ च्यालेन्ज २०२५ आयोजना धरानमा गर्ने तयारी गरेको छ। धरानमा एकपटक साइकलप्रेमीहरूको भीड लाग्ने भएको आयोजकको दावी रहेको छ ।

पेडलर्स धरानको आयोजनामा श्रावण ३१ गते शनिबार कार्यक्रम गर्ने जानकारी दिएको छ ।

आयोजकले वुधवार पत्रकार सम्मेलन गरी जानकारी गराएको हो। कोरा राईड भनेको नेपालमा ठुलो च्यारिटी राईड हो।

च्यालेन्जले धरानका धार्मिक र पर्यटकीय स्थलको प्रवर्द्धन गर्ने पेडलर्स धरानका अध्यक्ष किसन मास्केले वताए ।

साईक्लिङ राइडले शारीरिक तन्दुरुस्ती , वातावरण मैत्री र पर्यटनलाई एकैसाथ जोड्ने उद्देश्य कार्यक्रम आयोजना गरीएको मास्केको भनाई रहेको छ ।

राईड भानुचोकबाट सुरु भई ३२ किलोमिटर दूरी पार गर्दै धरान–१७ स्थित साकेला पार्कमा पुगेपछि समापन हुनेछ।

आयोजकका अनुसार नेपालका विभिन्न शहरबाट दुई सयभन्दा बढी साइक्लिस्ट सहभागी हुने अपेक्षा गरिएको अध्यक्ष मास्केले जानकारी दिए ।