धरानमा पहिलो पटक तिज क्विन

छाल खवर
धरान,५भाद्र ः विवाहित महिलाहरुको वौद्धिकतालाई प्रतिष्पर्धा मार्फत निखारता दिनको लागि धरानमा मिसेज तिज क्विन प्रतियोगिता आयोजना गरीने भएको छ ।

शिल्पी स्मार्ट नेपालको आयोजनामा हुन लागेको सो प्रतियोगितामा अन्तिम प्रतियोगितामा ११ जनाले सहभागिता जनाउने आयोजकले जनाएको छ ।

नेपाली महिलाहरुको महान चाड तीज अन्तर्गत विवाहित महिलाहरुको सहभागिता रहने मिसेस तीज क्वीन धरान २०८२ सिजन–१ को ग्राण्ड फिनाली भाद्र ७ गते हुने आयोजकले जानकारी दिएको छ ।

महिलाहरुको प्रतिभालाई प्रष्फुटन गराई आत्मविश्वास र सशक्तिकरण बनाउने र क्षमता र प्रतिभा भएर पनि अवसर नपाएर घरभित्र मात्र सीमित रहेका महिलाहरुको बौद्विकतालाई निखारता ल्याउने उदेश्यले आयोजना गरिएको संस्थाका अध्यक्ष मिना गजमेरले जानकारी दिएकी छिन् ।

तालिम लिईरहेका सहभागीहरुले दर्शकमाझ कसरी आफ्नो परिचय दिने, कसरी हिड्ने, कसरी माइक समात्ने, र कसरी आफ्नो कलालाई प्रस्तुत गर्ने, कसरी आफ्नो कुरा कसरी प्रष्ट कुरा राख्ने भन्ने विषयमा प्रशिक्षण लिइरहेकाछन् ।

धरान–१० सैनिक भवनमा शनिवार हुने फाइनल प्रतियोगितामा धरान नगरपालिका उपप्रमुख अइन्द्र विक्रम वेघा प्रमख आतिथ्यता हुने भएको छ ।

प्रतियोगितामा विजेताले ताज सहित प्रमाण पत्र प्राप्त गर्ने आयोजकले जनाएको छ ।
यो प्रतियोगिता धरानमा पहिलो भएको आयोजकको दावी रहेको छ ।