पार्टी छिटो पुनर्गठन गरौं एमाले नेता बास्कोटा

छाल खवर

धरान,३० भाद्रः जेन जि आन्दोलनबाट ठूला राजनीतिक पार्टीका नेताहरु मौन रहेको अवस्थामा नेकपा एमालेका नेता गोकुल बास्कोटाले भने पार्टीलाई छिटो पुनर्गठन गर्नुपर्ने बताएका छन् ।

जेनजी युवाको प्रदर्शनपछि एमाले नेतृत्वको सरकार ढलेर पूर्वप्रधानन्यायाधीश सुशीला कार्की नेतृत्वको अन्तरिम सरकार गठन भएपछि बास्कोटाले पार्टी पुनर्गठन गर्नुपर्ने धारणा सार्वजनिक गरेका हुन् ।

बास्कोटाले आफ्नो फेसबुकमा लेख्दै भनेकाछन् ‘छिटो तर सुविचारित निर्णय गरी पार्टीलाई पुनर्गठन गरौं ।’

बास्कोटाले राजनीतिक दलविना गणतन्त्र र गणतन्त्र विना समाज बाँच्न नसक्ने कुरा स्पष्ट पारेकाछन् ।

‘समय, परिवेश, प्रकृति, प्रकृया र समाज विज्ञानका नियमले नेतृत्व बदल्छ सबै तयार हुनैपर्छ उनले फेसवुकमा लेखेकाछन् ।

नेकपा एमालेमा नेतत्वको विषयमा भित्र भित्रै चर्को आलोचना वढदै गएपनि वाह्य रुपमा भने कोही वोल्न सकेका छैनन् ।