धरान खेलकुद मञ्चद्धारा दिप प्रज्वलन सम्पन

छाल खवर
धरान,१ असोजः धरान खेलकुद मञ्चले जेन जि आन्दोलनमा ज्यान गुमाएका शहिदहरुको सम्झनामा दिप प्रज्वलन कार्यक्रम सम्पन्न गरेको छ ।

मञ्चले वुधवार धरान १२ स्थित नगरपालिका गेटमा दिप प्रज्वलन कार्यक्रम सम्पन गरेको हो ।

भ्रष्ट्राचार विरुद्ध र परिवर्तनका लागि भएको जेन जि आन्दोलनमा ज्यान गुमाएका सहिदहरुले दिएको वलिदान सार्थक हुनुपर्नेमा मञ्चका अध्यक्ष किशोर राईले वताए ।

देश परिवर्तनका लागि भएको ऐतिहासिक आन्दोलनमा ज्यान गुमाएका परिवारलाई शोकलाई शक्तिमा वदलेर अघि वढन अध्यक्ष राईले आग्रह गरेका थिए ।

अध्यक्ष राईले आन्दोलनमा घुसपैठ भएकोले धेरै जनधनको क्षति पुगेको भन्दै दुःख व्यक्त गरेका थिए । कार्यक्रममा मञ्च आवद्ध खेलकुद क्षेत्रका जेन जि पुस्ताका खेलाडीहरुको सहभागीता रहेको थियो ।