एम्स एकेडेमीमा कक्षा ११का विद्यार्थीलाई स्वागत

छाल खवर
धरान,३० कार्तिक ः एम्स एकेडेमी धरान–१२ मा अध्ययनरत कक्षा १२ ले कक्षा ११लाई स्वागत गरेको छ ।

कक्षा–१२ मा अध्ययनरत विद्यार्थीहरुले कक्षा–११ मा भर्ना भएका नवआगन्तुक विद्यार्थीहरुलाई शनिवार धरान–१५ स्थित सदन सभाहलमा आयोजित विशेष कार्यक्रममा स्वागत गरेका थिए ।

कार्यक्रममा कक्षा–१२ की छात्रा तथा एम्स क्रियटिभ ग्रुपकी अध्यक्ष बिनुसा तामाङ, एकेडेमीका संयोजक दुर्गा सुवेदी, प्रिन्सिपल सन्तोष कोइराला, सुबास पौडेल, युवराज अधिकारी, सन्जिव उदास, फडिन्द्र खतिवडा लगायतले अबिर र खदा लगाएर नयाँ विद्यार्थीलाई स्वागत गरेका थिए।

संयोजक दुर्गा सुवेदीले एम्स एकेडेमीप्रति गरेको विश्वास संस्थाले पाएको सफलता भएको उल्लेख गर्नुभयो । उहाँले एम्समा अध्ययन गरेका विद्यार्थी धरान प्रथम हुँदै साइन्समा नेपाल द्वितीयसम्म हुन सफल भएको जानकारी दिनुभयो ।

कडा मिहिनेत गरेर नेपाल प्रथमसम्म पुग्ने लक्ष्य राख्न विद्यार्थीहरुलाई नयाँ भर्ना भएका विद्यार्थीलाई प्रेरित गर्नुभएको थियो ।

कार्यक्रममा विद्यार्थीहरुले नृत्य र गीत प्रस्तुत गरेर मनोरन्जन दिलाएका थिए । कार्यक्रमको सञ्चालन छात्राद्वय प्रकृति थापा र सजिना तामाङले गरेका थियो।