प्रभात सेकेन्डरी र सैनिक आवासीय क्वाटरफाइनलमा

छाल खवर
धरान, ९ मंसिरः धरानमा जारी सुनाखरी एकेडेमी कपको मंगलवारको खेलमा प्रभात सेकेण्डरी वोडिङ स्कुल र सैनिक आवासीय मा.वि. क्वाटर फाइनलमा प्रवेश गरेकाछन् ।

मङ्गलबार भएको पहिलो खेलमा प्रभात सेकेन्डरी बोर्डिङ स्कुलले ज्ञानकुन्ज रेसिडेन्सियल स्कुललाई ८–० को ठुलो गोलअन्तरले पराजित गर्दै क्वाटरफाइनलमा प्रवेश गरेको थियो ।

पहिलो हाफमै ३–० को अग्रता लिएको प्रभातले दोश्रो हाफमा थप पाँच गोल गर्दै सहज जित हात पारेको हो।

पहिलो खेलका प्लेयर अफ द म्याच प्रभातका जर्सी नं. ११ का युवाहाङ राई घोषित भए।

दोस्रो खेलमा नेपाल सैनिक आवासीय मा.वि. र सुनाखरी निलो बीच प्रतिस्पर्धा रोमाञ्चक बनेको थियो। निर्धारित ९० मिनेट गोलरहित बराबरीमा टुङ्गिएपछि खेल टाई–ब्रेकरमा पुगेको थियो, जहाँ सैनिकले सुनाखरी निलोलाई ३–१ ले हराउँदै क्वाटरफाइनल यात्रा तय गर्यो।

सुनसरी जिल्ला–व्यापी फुटबल प्रतियोगिता ‘सुनाखरी एकेडेमी कप–२०८२’ को पहिलो संस्करण अन्तर्गत मङ्गलबारका खेल सम्पन्न भएका छन्। धरान–१२ स्थित सुनाखरी एकेडेमीद्वारा आयोजित प्रतियोगिता एन्फा एकेडेमी खेलमैदान, धरान–१७ मा जारी छ।

बुधबारको पहिलो खेल दिउँसो १ बजे सेन्ट जोसेफ बोर्डिङ र ज्वालामुखी मा.वि. र दोस्रो खेल दिउँसो २ः३० बजे हिमशिखर बोर्डिङ र देउराली चिल्ड्रेन एकेडेमीबिच हुने आयोजकले जनाएको छ।