भेडेटार फुड फेस्टिभल शुरु ७० हजार पर्यटक भित्र्याउने लक्ष्य

छाल खवर
धरान,१६पुषः होटल एशोसियसन भेडेटारले आयोजना गरेको तीन दिने फुड फेस्टिभल सुरुवात भएको छ । भारतिय पर्यटकहरुलाई भित्रयाउने लक्ष्यका साथ अंग्रेजी नयाँ वर्षको अवसर पारेर महोत्सव शुरु भएको हो ।

महोत्सवको समुद्घाटन कोशी प्रदेशका वन वातावरण तथा पर्यटन मन्त्रालयका मन्त्री सदानन्द मण्डलले गरेका थिए ।

प्रमुख अथिति पर्यटन मन्त्री मण्डलले भेडेटारको संस्कार संस्कृति र मनोरमदृश्यको प्रचार गरिदिन भारतिय मिडिया र सञ्चारकर्मीलाई आह्वान गरेका थिए ।

भेडेटारमा धेरै भन्दा धरै भारतिय पर्यटकलाई भित्र्याउन योजना बनाएको एशोसियसनले यस पटक भारत विहारका पत्रकार र सञ्चारकर्मीलाई विशेष महत्व दिएर प्रर्वद्धन गरेको छ ।

प्राकतिक अनुपम पाएको भेडेटारलाई भारतिय पर्यटकबीच परिचित गराउन त्यहाँका सञ्चार माध्यमलाई विशेष महत्व दिएर आह्वान गरेको साँगुरीगढी गाउँपालिकाका प्रमुख जितेन्द्र रुम्दाली राईले बताए ।

न्युज २१ विहारक कि सविता मिश्रले भेडेटार भेडेटार महोत्वसवको विहारमा व्यापक प्रचार गर्न सफल भएको दावी गरेकी छिन् । ‘हामीले विहारमा भेडेटारको बारेमा सक्दो प्रचार प्रसारको प्रयास गरेको बताए ।

घरेलु उत्पादनको स्टल, अर्ग्यानिक तरकारी तथा फलफूल, हस्तकला, जातीय खाना लगायतको २२ वटा जति क्यानोपी स्टलहरु राखिएको होटल एशोसिएसन् भेडेटारका अध्यक्ष तथा फेस्टिबलका अध्यक्ष तुमराज लिम्बुले जानकारी दिए ।

साँगुरीगढी गाउँपालिका भेडेटारको सहयोगमा हँदै आएको महोत्सवको अवसरमा आउने पाहुना पर्यटकलाई गेटमै फूलमालाले स्वागत गर्ने, उनीहरूबाट राय९सल्लाह लिने नयाँ अभ्यास सुरु गरेको छ । अघिल्ला वर्षजस्तै केवल अवलोकन मात्र नभई यस पटक पर्यटकले कृषि उत्पादन किनेर लैजान सक्ने व्यवस्था गरिएको छ ।

अध्यक्ष लिम्बुका अनुसार भोलीबाट ‘लाइभ किचन एण्ड शो’, ‘लोकल सेफ ब्याटल’, ‘मेक योर ओन प्लेट’ ९पाकेको खानालाई आफैले सर्भ गरिने०, ‘फास्ट इटिङ च्यालेन्ज’ जस्ता मनोरञ्जनात्मक गतिविधि हुनेछन् । पारर्दशिताको लागि होटलहरूमा रेट लिस्ट अनिवार्य, पर्यटकलाई स्वस्थकर खाना उपलब्ध गराउनको लागि फुड क्वालिटी मोनिटरिङ, खाद्य निरीक्षण स्टल, स्वास्थ्य र सुरक्षाको लागि मेडिकल डेस्क तथा लस्ट एण्ड फाउन्ड डेस्क समेत राखिएको अध्यक्ष लिम्बुले जानकारी दिए ।

कृषि मेला प्रदर्शनी उद्घाटन

विगत ४ बर्ष देखि फुडफेििस्टबलसँगै साँगुरीगढी गाउँपालिकाका कृषकहरुबाट उत्पादन गरिएका खाध्यन्न तथा साग सब्जी, फलफूला प्रर्दशनी गरिँदै आएको छ । यस साल पनि ५३ जना कृषकले उत्पादन गरिएको सागसब्जी, अन्न र फलफूल प्रर्दशनमा राखिएको छ । यसको पनि प्रमुख अथिति मन्त्री मण्डलले उद्घाटन गरे ।

प्रर्दशनमा राखिएका उत्पादित बस्तुहरुको मुल्याङकन गरि कृषकहरुलाई प्रोत्साहन स्वरुप पुरस्कृत गरिने योजना रहेको साँगुरी गाउँपालिकाका कृषि विकास शाखा प्रमुख हरि आले मगरले बताए । उनका अनुसार १८ गते १ देखि १० वडासम्मका सहभागी ५३ कृषकलाई छनौट गरि पुरस्कृत गरिनेछन् ।

दुई पत्रकार सम्मानित

आयोजकले १३औँ संस्करणको महोत्सव उद्रघाटन समारोहको बीच दुई पत्रकारलाई सम्मान गरेको छ । पत्रकारिताको माध्यमबाट भेडेटारको पर्यटन प्रवर्द्धन, संरक्षण तथा समग्र विकासमा उल्लेखनीय योगदान पुर्‍याएको भन्दै गणतन्त्र एफ।एम।तथा गणतन्त्र खवर डट कमका सम्पादक रोहितकुमार बस्नेत (डेविट) र धनकुटाका रासस सम्वादाता तथा पत्रकार महासँघ धनकुटाका कोषाध्यक्ष नारायण राईलाई नगद रु.१० हजार सहित सम्मान गरिएको छ ।

समारोहका प्रमुख अथिति कोशी पर्यटन मन्त्री मण्डल, गाउँपालिका अध्यक्ष राई र एशोसिएसनका अध्यक्ष लिम्बुले पुरस्कार राशी सहित सम्मान गरेका थिए ।