धरान–६ मा एमालेको निर्वाचन परिचालन कार्यालय स्थापना

छाल खवर
धरान,१७ माघः नेकपा एमालेले सुनसरी क्षेत्र नं १ मा चुनाव प्रचार प्रसार लक्षित अभियानअन्तर्गत धरान–६ मा निर्वाचन परिचालन कमिटीको कार्यालय स्थापना गरिएको छ ।

फागुन–२१ गतेनिर्धारित प्रतिनिधि सभा निर्वाचनमा एमाले उम्मेदवार टीका माङ्लेन लिम्बूलाई विजय गराउन निर्वाचन परिचालन कमिटी गठन गरी कार्यालय स्थापना गरिएको एमाले धरान–६ का अध्यक्ष हरिबहादुर राईले जानकारी दिए ।

निर्वाचन परिचालन कमिटीको कार्यालयको उद्घाटन एमाले केन्द्रीय सदस्य मन्जु भण्डारीले गरिन् ।

स्थानीय पार्टी कमिटीले उम्मेदवार माङ्लेनलाई विजयको शुभकामनासहित खादा लगाएर बधाई ज्ञापन गरेका थिए । उक्त अवसरमा बोल्दै उम्मेदवार माङ्लेनले युवाहरूका मुद्दालाई सदनसम्म लाने प्रतिबद्धता जनाए ।

उनले एमालेले गरेको विकास निर्माणलाई निरन्तरता दिने बताए ।

कार्यालय स्थापनाका अवसरमा एमाले वडा कमिटीका नेता कार्यकर्तासहित कोशी प्रदेशका पूर्व सभामुख प्रदीप भण्डारी, पार्टीका प्रदेश कमिटी सदस्य तथा कोशी प्रदेश सभा सदस्यहरू रमेश बस्नेत, विजयकुमार राई, पूर्व प्रतिनिधि सभा सदस्य जयकुमार राई, एमाले नेता मुरारी सुवेदी, सूर्यप्रकाश पन्धाकलगायतका नेताहरूको उपस्थिति रहेको थियो ।

सुनसरी १ को प्रदेश सभा ख तर्फ पर्ने साबिक पाँचकन्याका ३ वटा वडा पर्ने यो क्षेत्र २०७९ मा एमालेले गुमाएको थियो । त्यसअघि एमालेका उम्मेदवार निर्वाचित हुँदै आएका थिए ।

कार्यालय स्थापनाका अवसरमा नेताहरूले पुरानो जितको विरासत फर्काउने प्रतिबद्धता व्यक्त गरेका छन्