छाल खवर
धरान,२३ वैशाखः नेपाल कम्युनिष्ट पार्टी (एमाले) जिल्ला कमिटी भोजपुरको अध्यक्षमा मक्करबहादुर खड्का निर्वाचित भएका छन्।
शनिबार सम्पन्न नवौँ अधिवेशनबाट पूर्वअध्यक्ष शरणकुमार राईलाई पराजित गर्दै खड्का निर्वाचित भएका हुन्।
अध्यक्षमा निर्वाचित खड्का पूर्व संचारमन्त्री तथा प्रदेश १ का पूर्व मन्त्री मुख्यमन्त्री शेरधन राईका स्वकिय सचिव समेत हुन । प्रशासनिक कामको समेत अनुभव लिएका खड्कालाई पार्टी कार्यकर्ताले नेतृत्वमा निर्वाचित गरेका थिए ।
पार्टी उपाध्यक्षमा किरण राई, सचिवमा एक्सन राई, उपसचिव खुलातर्फ दौलथकुमार कुलुङ, उपसचिव महिलातर्फ रमादेवी राई विजयी भएका छन्।
नयाँ नेतृत्व चयनका लागि ८१ वटा वडाका छ सय आठ प्रतिनिधिमध्ये पाँच सय ७३ जनाले मतदान गरेका थिए।
सर्वसम्मत नेतृत्व चयन हुन नसकेपछि पाँच पदाधिकारी, पाँच खुला सदस्य र तीन खुला महिला सदस्यका लागि निर्वाचन भएको थियो।
खुला सदस्यमा नवीन प्रधान, इन्द्र थापा, रेवतीरमन थापा, बद्रीनाथ निरौला, राजेश कटुवाल तथा महिला सदस्यतर्फ आशादेवी राई, सुस्मिता राई र सङ्गीता कँडेल निर्वाचित भएका छन्।
अधिवेशनले पदाधिकारीसहित ९० सदस्यीय कार्यसमिति चयन गरेको हो।
Copyright © 2020 / 2024 - Chhalkhabar.com All rights reserved
Website By : Hash Tech Logic