हिविस्कस स्कुलद्धारा विद्यार्थी र अभिभावकलाई उपचारमा छुटको सुविधा

छाल खवर धरान, शिक्षा र संस्कृतिको केन्द्र मानिने सहर हो। यही धरान–१५ स्थित एक शैक्षिक संस्था यस्तो छ, जसले विगत दशकदेखि हजारौं विद्यार्थीहरूको भविष्य उज्ज्वल बनाउन निरन्तर योगदान पुर्‍याउँदै आएको छ त्यो हो, हिविस्कस इङ्लिस बोर्डिङ स्कुल।स्थापना कालदेखि नै शिक्षा, अनुशासन र नैतिकताको त्रिभुजमा केन्द्रित भई संचालनमा आएको यस विद्यालयले सस्तो शुल्कमा गुणस्तरीय शिक्षा प्रदान गर्दै आइरहेको छ। यहाँ पठनपाठन मात्र होइन, विद्यार्थीको समग्र विकासमा जोड दिइन्छ — यही विशेषता हिविस्कस स्कुललाई धरानको अग्रणी शिक्षालयका रूपमा उभ्याउने कारक बनिरहेको छ। स्कुलको स्थापना र उद्देश्य हिविस्कस इङ्लिस बोर्डिङ स्कुलको स्थापना वि।सं २०६२ सालमा भएको हो। विद्यालयको उद्देश्य सुरु देखि नै स्पष्ट थियोसर्वसुलभ, गुणस्तरीय र समावेशी शिक्षाको माध्यमबाट विद्यार्थीको उज्यालो भविष्य निर्माण गर्नु। शिक्षामा समानता र पहुँचको सुनिश्चितता गर्दै विद्यालयले निम्न आयस्तरका परिवारका बालबालिकाहरूका लागि पनि उत्कृष्ट शैक्षिक अवसर प्रदान गर्दै आएको छ। शिक्षक स्टाफ र व्यवस्थापन हिविस्कस स्कुलमा हाल करिब ३० जना अनुभवी शिक्षक रशिक्षिका कार्यरत छन्, जो प्रत्येक विषयमा दक्ष र जिम्मेवार छन्। उनीहरूले बालमैत्री, प्रविधिमैत्री र व्यवहारिक शिक्षण पद्धति अपनाउँदै विद्यार्थीहरूलाई केवल किताबी ज्ञानमा सीमित नराखी व्यवहारिक र नैतिक शिक्षा समेत प्रदान गर्दै आएका छन्। विद्यालयको व्यवस्थापनमा स्थानीय शिक्षाप्रेमीहरू, अभिभावक प्रतिनिधि र अनुभवी शैक्षिक व्यक्तित्वहरूको सक्रिय संलग्नता रहेको छ। विद्यार्थी संख्या र विविधता हाल विद्यालयमा कक्षा नर्सरीदेखि कक्षा १२ सम्म अध्ययन हुने व्यवस्था छ। स्कुलमा ५१० जना विद्यार्थीहरू अध्ययनरत छन्, जसमा थुप्रै जात–जाति, समुदाय, भाषा र धर्मका विद्यार्थीहरू समावेश छन्। यसले स्कुललाई बहुसांस्कृतिक र समावेशी बनाएको छ। पठनपाठन विधि र प्रविधिको प्रयोग विद्यालयले स्मार्ट बोर्ड, मल्टिमिडिया, भिडियो कक्षा, प्रोजेक्ट वर्क लगायत आधुनिक शिक्षण पद्धति प्रयोग गर्दै आएको छ। विद्यार्थीको सृजनात्मकता, आलोचनात्मक सोच र आत्मविश्वास वृद्धि गर्न विविध अभ्यासात्मक कार्यक्रम सञ्चालन गरिन्छ। परीक्षा प्रणाली मात्र होइन, निरन्तर मुल्यांकन प्रणाली ९ऋयलतष्लगयगक ब्ककभककmभलत० अपनाइएको छ जसले विद्यार्थीको सिकाइ स्तर नियमित मूल्याङ्कन गर्न मद... ... ... ...