डिसिए कपको उपाधि दुवै आयोजकको पोल्टा

छाल खवर धरान,२० मंसिर ःदेउराली चिल्ड्रेन एकेडेमी धरान–५ले आयोजना गरेको डिसिए कपको दुवै उपाधि आयोजकले हात पारेको छ । शुक्रवार भएको धरान स्तरीय डिसिए कपको दुवै उपाधि आयोजकले हात पारेको हो । छात्रतर्फ आयोजक देउराली चिल्ड्रेन एकेडेमी धरान–५ विजेता वनेको छ भने जोलसाया एकेडेमी धरान–११ उपविजेता वनेको छ । त्यसैगरी छात्रातर्फ आयोजक देउराली चिल्ड्रेन एकेडेमी धरान–५ नै विजेता बन्न सफल बनेको छ भने जोलसाया एकेडेमी धरान–११ उपविजेता बन्न सफल भएको छ । एक दिने बास्केटबल प्रतियोगितामा हिविस्कस इङ्लिस वोडिङ स्कल धरान–१५,जोलसाया एकेडेमी धरान–११, धरान इङ्लिस वोडिङ स्कुल धरान–५, आवरहोम वोडिङ स्कुल धरान–१९ र आयोजक देउराली चिल्ड्रेन एकेडेमी धरान समेतका ५ स्कुलका १५ टिमको सभागीता रहेको स्कुलका प्रिन्सिपल नविन गौतमले जानकारी दिनुभयो । विजेता खेलाडीहरुलाई कार्यक्रमका प्रमुख अतिथि धरान–५ का वडाध्यक्ष मनप्रसाद लिम्वु, स्कुलका प्रिन्सिपल नविन गौतम,निर्देशक पृथ्वी रइका मगरले ट्रफि मेडल र प्रमाण पत्र प्रदान गर्नुभएको थियो । पढाईका अतिरिक्त खेलकुदमा पनि विद्यार्थीहरुलाई अगाडी वढाउने उदेश्यले प्रतियोगिताको आयोजना गरीएको र यसलाई आगामी दिनमा पनि निरन्तरता दिने स्कुलका प्रिन्सिपल गौतमको भनाई रहेको छ । अन्य खेल सरह बास्केट बल खेललाई प्रति अगाडी वढाउने उदेश्यले प्रतियोगिताको आयोजना गरीएको स्कुलका निर्देशक मगरको भनाई रहेको छ । कार्यक्रमको अध्यक्षता स्कुलका अध्यक्ष पूर्णप्रसाद लिम्वूले गर्नुभएको थियो ।            ... ... ... ...